今日開學啦！由今日開始我就係一個中七學生，真係唔多信，呆下呆下就讀到中七... 今日早起，響呢個暑假裏面未試過咁早起身，哈~ 所以唔多願起身呀...

我地依舊行上學校，我行返果條好耐未行過既路，辛苦死！又熱喎... 返到學校，見到學校門口鋪哂雲石，低能架，整到成間酒店咁...靚到丫~ 但行入少少，見到雲石配合舊既階磚，第一個感覺好騎呢！好核突！哈哈！

無幾耐，就集隊，好混亂！6S同7A合體，唔知攪乜...聽左一輪宣佈，就上去禮堂... 又係聽野，係咁講，係咁講，我地就係咁聽，係咁坐... 好唔容易先捱到講完... 跟住就返基地---美術室！唉！尐抬擺得好怪...結果我地成班坐一張~ 不過上堂都唔係響度上...無乜所謂~ 之後bear bear 入黎，派野，搞下搞下就放學...(太瑣碎，唔想打...XD)