呢日下晝到自修室做功課，做左唔知幾耐，突然有電話黎，原來係班frd打黎~ 想約我夜晚上山頂，話係呢個暑假最後一次大型搞作，我諗下諗下，發覺個暑假就黎完，又好似好耐無約班frd，就答應左喇！

我地搭地鐵去到中環，先食少少野，跟住就搭巴士上去山頂喇！坐到上去山頂，個天都黑哂~ 咁就arm啦，可以睇到夜景呀！之前聽人講香港夜景有幾靚有幾靚咁，自己都未親身體會過，呢次終於都可以親眼睇到~ 望落去一覽無遺咁，自己身處既地方高過哂所有大廈，尐燈又唔同顏色，真係好靚~ 好彩有帶相機出黎，影左幾幅相~ 但可惜無叉電，影左幾幅之後就無電，無得再影啦！可惜呀！

跟住我個frd入左兩蚊用個望遠鏡睇，個望遠鏡放到好大呀！大到可以望到人響屋企做乜...尐民居真係慘，可能成日俾人偷望...哈~ 用個望遠鏡可以望到好多地方，而且算清楚~ 我地望左好耐好耐，發覺部機仲可以睇，諗諗下，幾抵喎！兩蚊可以睇咁耐~ 除左我地果部之外，隔離仲有一部，我地見有人入錢睇，但無幾耐就走左，我地心諗：係咪我地部機壞左？再留意下，果然係！原來睇分幾鐘就完，但我地部機睇成半個鐘都未完，正！哈哈！不過最後睇到我地唔想睇，就走lu~

之後搭返巴士落山，坐到個人好鬼暈！都唔知係咪個司機問題，我地幾個都覺得好暈...之後過左陣就無野喇~ 落返山都成十一點啦！跟住我地去筲箕灣食飯，幾好食，價錢唔算貴~ 食完差不多十二點，就散隊走人~ 我諗住返美孚，我地就搭地鐵去中環轉東涌線返屋企，可以快尐返到屋企，點知去到荔景時，佢宣佈荃灣線往中環方向既最後一班列車已經走左，真黑...結果都係返荔景算，於是靜靜雞開門，費事嘈醒阿爸阿媽...哈！好彩無俾佢地話jei...=.=v