8月14日係企鵝生日，咁就要幫佢慶祝下喇~ 我地成班人約定上小七屋企玩同食野~ 搭車入去既時候都幾得意，逐個逐個join班車~ 我由荔景總站上車，跟住企鵝同阿Yin就響葵興join班車，之後Yoland就響屯門公路前個站上車，於是一行四個人就搭埋同一部車入去喇~

時間預得arm arm好，一點半左右就去到小七屋企樓下喇~ 等左陣，Jolie都黎埋，再等陣，小七就黎迎接我地上去喇~ 上到去，就拎哂尐野食出黎，準備開餐~ 有好多野食呀！每個都整左尐野食，但我冇整，淨買左少少野食，哈哈~ 唔識整，無計~ 呵呵~ 食到咁上下，就睇果套"窈窕淑女"既舞台劇，一路食一路睇，好搞笑~ 食到差唔多，就到生日必做既環節，就係好秘密咁拎個生日蛋糕出黎俾企鵝，我地唱完歌，佢許願，吹完蠟燭，就食蛋糕喇~ 食完就飽哂！跟住唔少得就係影返幾幅靚相啦~

響小七屋企"研究"左一陣之後，就出發去下個地點-----蝴蝶灣~ 我地搭輕鐵去，Jolie走先~ 去到又係影下相，周圍行下咁，企鵝、201同Yin就去玩水，我同小七無去，就無無聊聊咁呆等~ =.= 大約七點我地就走啦，除左Yin之外，其餘都食埋晚飯先走~ 我地去吉之島美食廣場度食，一個餐有好多野食，價錢又唔貴，唔錯~ 食到好飽呀！食完就搭車返屋企喇~~

呢日既慶祝咁就完結左啦~