好多日都無打過日記lu~ 前排都冇乜心機打，又無乜特別事情發生，所以懶得滯就唔打喇~ 哈！見今日無野做，於是又打下咁啦~ =.= 既然咁耐冇打，就打返夠本先~ 哇哈哈！其實係我無聊，所以特別多廢話！(包括呢一句...)

時間過得好快，又到八月喇~ 話咁快就過左半個月暑假... 回顧返過左果半個月，真係無乜做過野，半個月時間就咁冇左~ 而家得返一個月時間都冇，功課未掂過，書又未溫過，都唔知點算囉！未放暑假之前仲諗住用個暑假溫書，都諗過得唔得架啦，果然係諗就天下無敵，做就冇能為力... 不過而家發力既話都有一線希望既... 我諗~

今個暑假既功課都幾多下，中史有三條essay要做，我連題目都唔記得左，無得救呀！西史要做七條！不過只係需要寫大綱，並唔需要寫幾版紙果隻，如果係就死得啦！跟住體育科個project... 騎呢！好彩其他科冇功課，淨係呢幾樣而家都做死喇~

今日我都冇做過任何功課或者溫書，不過就執返尐手尾，就係考完試之後，果尐堆積如山既試卷、notes、立立雜雜既紙張等... 自從考完試之後，我就將佢地放哂響我張床既上格，自此到今日就冇再理佢地，變左個廢墟，凌亂非常！今日執返，都執左幾耐下，又多、又亂，都唔知點處置好~ 執完之後，又係一疊二疊擺返響度，只不過係將冇用既棄掉，同埋將佢地分類而已~ 都算係咁啦，哈！好過冇執丫~

到左八月，好似有好多野等住我做，又好似有好多特別既事咁~ 4/8 小七生日，生日快樂耶！(睇到就睇，睇唔到就算啦！哈！)大佬又大一歲，記住生性尐啦~ 哈哈！5/8 我個frd好似響呢日由外國返黎，好耐冇見佢，佢返黎實在太好啦！可以聚聚舊啦！6/8 會考放榜，日子逼近都冇乜知覺... 諗返上年，未到八月已經好擔心，不過情況唔同，果時又係擔心尐既~ 話時話，仲有三日就到六號，差尐唔記得添... =.=" 考左咁耐，都唔記得自己科英文考成點囉~ 都係順其自然啦，得就得，唔得就唔得，睇化了~ 8/8 呢一日好似有尐野要做，係咩呢？唔記得左添... 明明記得有野做，仲好有記念性、好重要架，失憶添，搵人提返我至得~ 14/8 企響度既鵝生日，咁多人生日既？遲尐先講啦，哈哈！跟住唔記得八月仲有冇其他咩特別既事lu~ 應該都冇乜啦掛！？

估唔到篇日記可以打到咁長啊~ ^^"
繼續~ 哈哈！:-P

其實前排都幾煩，因為阿媽阿爸吵了架，而為既，只係好少既事... 佢地一吵翻左，就互相不睬不理，冷戰起碼持續幾日，就係咁，我就成為中間人，為佢地傳達訊息... 總之都頗麻煩~ 但係又唔知點樣勸，面對呢尐野都係束手無策，我唯一可以做既，只可以祈禱，求神幫助~ 歸根咎底都係要睇佢地兩個點做~ 好彩而家冇事啦，和好返，時間可以慢慢沖淡~ 佢地冇事就好啦，我心情都可以好返尐啦~ 呵！

好喇~ 打到呢度，太長啦，睇死人~ 兼睇悶人，哈！