今日係西史最後一日補課，又係返八點半~ 朝早電話響，我醒左，望望鬧鐘，八點四！嘩！當堂醒哂，聽下電話，原來係小七，我即刻知乜事！本來約左八點二響Seven等，我遲哂大到！拿拿臨刷牙洗面換衫，食早餐既時間都冇啦，於是帶個飽出街一路行一路食~ 以兩個字既時間就攪掂出門口~ 跟住以極速行去地鐵站... 搭完地鐵就又以極速行上石圍角搭小巴上象山，返到學校九點正！遲左半個鐘咋~ =.=" 不過對腳好鬼累呀！

返到去，講返尋日教過既野，好彩~ 仲未開新課題... 到十二點幾就放，miss話個進度唔錯，不過中七就唔係咁講啦... 一定趕到死死下！之後，我同小七、Yoland、Yin、Jack搭小巴落荃灣拎影印，好多好重，計數計左好耐都未計好，幾經辛苦先計好...-_-" 拎完影印後，就去吉野家食lunch~ 食牛肉飯呀，好好食呀！比雞飯簡直係天淵之別呀！我唔會再試雞飯架啦！費時又食到寫意見書呀！>.<

食到咁上下我走先，又約人喇~ ^o^