今日星期六，被祖莉診邀請去聽佈道會，我見無野做，就應承左喇~ 三點開始，我兩點就出門口，剛趕到部57M...好彩~ 趕唔到就遲到啦！兩點九過少少就到左巴士站，諗住等小七，點知教會尐人又經過，聚埋聚埋就成班人喇~ 於是就浩浩蕩蕩咁出發~ 個佈道會唔係響宣道舉行，而係響另一間中學，所以我要人帶先識去呀~

個佈道會有好多人去，有敬拜樂隊唱詩，唱得好好聽呀！尐詩歌又好聽，正！跟住牧師講道，唔好唔差咁啦~ 之後當然唔少得決志既時間~ 個佈道會比預期中早完，四點半就完左~ 於是我自己一個搭車走返出去喇！

夜晚約左班frd食飯，近排好少約佢地，見下面食下飯都好~ 我地去左佐敦間粗菜館食，唔錯呀！尐豬油撈飯勁好食呀！食到好飽~ 食完就去打機，玩左好多舖對戰，又幫架愛車升左level啦~ ^^ 打完就返歸~