2003-08-09 09:04:21TG
約會小迪
八月五日﹐我有幸咁同靚女小迪一齊共進晚餐﹐之後仲去埋唱K添。當晚我地去o左龜井鮨食all you can eat o既日本料理﹐龜井鮨可以算係我去過o既“任食”日本料理之中最好。當然價錢亦都係最貴啦﹐不過洗錢最緊要洗得開心﹐同埋覺得物超所值。龜井鮨o既任食餐牌可謂應有盡有﹐除o左普通o野之外﹐佢地仲有。。。海鮮龍蝦miso soup﹐象拔/蟹/八爪魚粉絲﹐牛肉刺身﹐tuna tataki, 鰻魚sushi, toro sushi (哎呀。。o個日唔記得點添)仲有限定每位一個order o既黃尾魚刺身同象拔刺身。不過o個晚都唔係食得太多o野﹐下次要再去一定要返本先得。