八月四日晚上同成班同事去食宵夜﹐本來只係諗住去滾(打邊爐﹐火鍋)。點知原來成班都係酒鬼﹐結果又飲埋酒。其實都無所謂﹐最緊要大家開心。本來我只係同其中一位同事比較o岩傾﹐估唔到大家兩杯到肚之後竟然會好傾D。就連我本來覺得唔應該在場o既癲佬經理都變得friendly o左。可能係好似拍電視o個D情節咁﹐D高級人員同成班低級職員一齊玩o既時候﹐通常都會彈句“大家唔好當我係上司呀。”雖然佢無咁講﹐不過大家都係照常傾計﹐仲成日搵佢o黎開玩笑添。成晚最正o個碟就係象拔﹐有人滾兩滾先食﹐而我就選擇生食。因為我覺得生食鮮甜D﹐爽口D。最後埋單o既時候﹐就同電視劇有少少出入﹐並唔係有大食大﹐而係大家齊齊請個經理。o個晚我都唔係飲好多﹐但係竟然會頭痛﹐不過幾好訓就真o既。

註﹕當晚我o岩o岩放工﹐而且之前無約定﹐sorry又無圖為證。