二日前我通宵做功課﹐做完功課﹐考完final之後我o既暑假就正式開始。
雖然返summer之前﹐我都放o左差不多一個月o既假期。
而返summer呢段日子﹐我o既心情同精神狀態都係仲放緊假。
六個禮拜未夠我將心情回復﹐所以我。。。都唔敢想象我會得到咩o野成績。
可惜正式放假之後並未能盡興﹐因為十二點鐘考完試﹐六點鐘就要返工。
本來想請假﹐跟住去唱K﹐盡興一番。
不過我用盡我o個六個鐘頭o既假期都搵唔到替我返工。
結果。。。o個晚忙到趴o係度(當然係放工先到機會趴啦)。
返到屋企﹐我雖然累到想死﹐不過依然不忘同久沒聊天的網友ICQ一番。
到四點多才抱頭呼呼大睡。。。
我的暑假﹐正式開始。。。


第二日﹐我訓到飽先醒﹐醒o左同朋友MSN﹐知道佢地會去打波。
我唔理三七廿一就答應一齊去﹐因為實在太耐無打波啦。
落場後﹐如果你睇到我o既得分能力﹐大概都知我好耐無打波。
又或者會懷疑我到底識唔識打波。
不過算啦﹐反正我根本都唔係得分型﹐或王牌型球員。
我係一個助攻加奮戰型球員﹐防守力。。。OK吧﹗﹖
打完波﹐就要返工。。。唉~~~又要返工。
我覺得其他人都可能開始放假﹐因為呢一兩日﹐九記真係超忙。
第二晚o既時間好似過得快D﹐可能係因為比較忙啦。
anyway, 我到下個禮拜一先要再返工﹐我真係要好好休息﹐狂歡。