七月一日 星期四 晴天
這幾天，是晴天，晴天得有點過份。熱透了！(好彩今日.7月3日終於有雨)

這一天，我們Angela肥利組一行人約了一起"碌ling"。Angela,Ashley 一早就到了教會門口，我係第三個到達，之後仲有白色衫的Ryan(angela遠距離就望到，果然係老夫妻)，阿亮啦、ivy、阿man和肥利。

由於那天是公眾假期，所以都有好多人"碌"。咁我地就以學生價$18 per head咁入埸。其實當中都有段小插曲，就係year 3既Ryan學生證竟然6月30日到期，原來hku的學生證咁快就deadline。之後就用埋我poly or city既學生證夾埋咁比(好彩佢無check樣)。

之後我地八個人打一條line。好開心呢！第一次打保齢球。

拿上手的波波，嘩，一個字，重！我選了一個只有6磅重的橙色波波，行兩步，拋。我個波係中間線超慢咁郁，幾驚佢會停下來，不過最後好勁咁撞"林"左好多個。yeah！

我地既水準都唔係好professional，而通常男仔都夠氣夠力d，最為人深刻的莫過於肥利的「力的表現」。好好笑，最後變成Ryan與肥利之爭。而阿亮亦不甘示弱，急起直追。不過結果都唔太記得囉，好似肥利贏......哈......好開心......

再打一局，兩個人一組。個combination係最高和最低一pair，我同阿亮係中游的一pair，總共四pair。我地可算是最有「團隊精神」的一pair了，我地既「戰術」是一人打一球，其他人則是輪round，比單人玩仲剌激。我(係肥利面前)同阿亮講肥利是我既假想敵，而阿亮就話肥利已經唔係我地既目標喇，哈哈，好搞笑。當然肥利都有串番我地啦。

忽然覺得大家都好「趣緻」呢！

我記得.......上年的這一天，我正在遊行呢！



P.S 另外有個發現係原來樂文成日去"碌ling"的，哈哈，仲唔比我地撞到佢！

我發現樂文每每都俾我一種估佢唔到的感覺

好有趣的一個人