我最近interview左兩間公司。
其中一間原來係想請長工，
所以即使佢想請我都唔得喇！
都怪自己send錯地方啦！
不過其實係我自己玩野，
有種睇佢in 唔in 我的心態，
很不要得呢！

而另一間就係講話想搵臨時工，
不過去到又話可能臨時轉長工。
一個星期內有消息。
不過點都好啦，我覺得而家d僱主都好好人，
都唔會話串下人呀咁，
感覺幾好＾＾

星期一我又會in 下另一間公司，到時唔知會點呢！

而家d工，好少話番五日的，
多數都要番六天或五日半，仲要係朝九晚六，
人工又唔見得多咁，真係搵食艱難，
唉，都係讀書好。

不過就算我話想即刻番工都唔得啦，
個小朋友呢個月要考試，
我又要補多一日，
所以搵到d係荃灣葵青區的，
又係五點收工既，
薪金又ok 既，
你話幾好呢。

我好似發緊夢．．．．．．

而家既工，十份有九份係要靠人事關係架啦，
都係自求多福了！

聽日我會返church，
呢兩個禮拜次次去親挪亞問有無由零開始都話冇，
點解一定要訂架，
我最唔鍾意就係要plan定，
今日想買書又係咁，真係煩！

今日同晶晶行街好開心，
真係好耐無出黎旺角shopping喇，
不過我地由買波鞋變左買衫，
哈哈，正合吾意呢。
聽日佢又要再買鞋喇，
哈哈，
開心！


我打字快左呀，
我好叻呀，
哈哈，
要再快d、快d！