有好幾個好奇的老師忍不住問：你這次代課要唔要教數架？

我想，他們的心態大概是有點不相信我會教數吧。其實，即使我自己，也不太相信。哈！(有D老師問完我洗唔洗教之後，直情很直接問：你仲記得D數點計mei？「大部分啦，唔記得果D睇番書就會識」我答，實情確係咁，我真係記得大部分，原來)

我一點也不介意他們問。如果要說介意，我反而介意那些沒有問但一開始就認定我不會教只回來「白逗人工」的人。例如有一日，姓鍾的在pantry見到我，他說：你就好啦，返黎笑下咁就有錢賺。你估我怎樣回應？我沒有回應wor。我不屑澄清！

不過，如果先撇開對學科的認識(我的數學能力)，我覺得教數比較語文容易。不是說數學比語文容易，而是教學方法方面比較容易掌握。因為，方法來來去去，都是那樣：首先解釋一下那個topic的數學的原理/原則/名詞 (頂多再加些比喻或者日常生活例子咁)，然後舉例計俾學生睇，如果有不同種類/形式的數，就每個種類形式都計一次給他們看，一邊計一邊解釋一下，然後讓他們做一些比較基本的練習。掌握好基本的數，就計一題難少少的給他們看，說明應該怎樣理解，怎樣計，然後，叫他們計其他的題目。示範完，只要能令他們開始做數(阻止他們掛住玩唔做數)，當他們唔識計，就會問，幾好呀！

教語文呢，就多野兼顧好多，又課文又作文又閱讀理解又聆聽又說話練習，課文除了教內容，又修辭又抒情手法敘事手法……作文呢，又有唔同文體唔同寫法。幾多範疇幾多變化呀！重要想出不同的表達方式教學方法令自己同學生都無咁悶，係咪難好多呢？

今日有個F2學生問：搣匙，點解你mud都識gei？ (那！證明我係有教到野架！)我答：我唔係mud都識架，點可能mud都識呢？佢話：你又教中文，英文又攞A，又識教數…… 我答：咁呢D野我以前好似你地依家咁係學校學架jei，如果你俾心機，你學完都會識格。萬老師說我答得大方得體，但其實，我不過在陳述事實。Oh！不過想深一層，實情是：單是初中課程，除了中英數，其他的我都不記得了。有一次中三學生問我識唔識bio，我睇下佢問mud，一看，嘩！真係唔識！很唏噓(喂！我當年bio攞100分架！)！ 問題好似係以下邊種係catabolism，邊種係anabolism，邊種係none of the above：1) formation of cell membrane, 2) absorption of glucose in gut, 3) 傷口復原 仲有其他唔記得lu…

唉…

呀！還有想記下的是，今天在canteen食飯，差不多食完的時候，校長坐過來我們那檯食，校長望了望，唔識我，黃文堅約略介紹了我在這裡的代課「經驗」(當時我剛接了個電話，講緊)。之後我自己介紹自己個名同邊年畢業。其實之前有次中文panel特登帶過我去校長面前介紹過一次，不過佢應該唔記得左，所以我問：校長，你估你下次見到我仲記唔記得我？佢話應該會記得。之後隔左陣，佢再問：你叫mud名話？我講多次，我仲好清楚咁話：家庭個「家」，哥爾夫球個「爾」。佢話：淨係睇個名，會唔知你係女仔，我話：睇個樣咪知囉，然後佢竟然話：都唔係好知！(？！？！？！？！)校長搞gag = . =”！真係ㄚ！我個樣都不知幾女仔(我無話行為！)！好一個老眼昏花的老人家！

放學後，一眾老師(當然唔係全部，係部份)話去上書法班，我問：邊個教呀？原來係校長！Miss曹仲帶埋曦曦返黎學tim。書法，其實我都想學！第日如果好鬼得閒，我都揾班學下先！書法，唔知幾時開始邊左樣好型gei野(我覺得)，你睇劉華寫得一手好字，大筆一揮，幾型!