我係一個大學生
我係一個勤力的大學生
我係一個只有一個鐘食晏的大學生

午餐係每個學生既命
佢可以補充體力
令我地係漫長既晏晝
繼續努力（ｏｒ訓覺）
但係食飯既時間得一個鐘
點樣先可以分秒必爭
享受一個完美既午餐呢？

為左解決呢個問題
我決定計劃一切
計劃代號叫「殺蟲水計劃」
每個晚上
我都諗緊呢個問題
終於比我諗到完美午餐ＡＢＣ

完美午餐Ａ──夏日組合
涼快豆腐花＋美味刨冰
缺點：容易餓死

完美午餐Ｂ──快速組合
便利店三文治＋便利店野飲
缺點：營養不良

完美午餐Ｃ──豪華組合
羊腩煲大王
缺點：比人妒忌、ＮＯ　ＴＩＭＥ

因為缺點太多
ＡＢＣ都不被採用
最後終於比我搵到一間鋪頭
佢既陽春乾麵
唔會餓死、營養十足、時間充足
但係仲有一個缺點
就係果個賣麵既大嬸
個ＸＸ次次叫乾麵
佢都問我
「要不要加點湯？」
但係佢唔等我答佢
佢己經加左一大兜湯落去
頂
我想加湯我唔識叫湯麵咩
我就係唔想要Ｄ湯
熱到死，我想食快Ｄ然後番學
誠彼娘之非悅（摘錄自－夏勒斯）
之後幾次
佢越黎越過份
連問都唔問就加一大兜湯比我
唉～

終於有一次
我忍唔住
係佢加湯果陣
我大喝一聲
「不用加湯！」
佢竟然答我
「加一點啦～」
然後又加湯
．．．．．．
我仲可以點？

不過自從果次之後
個大嬸己經知驚
佢每次都加好少湯
都算係一個乾麵
所以
殺蟲水計劃成功