個幾月之前
一個考完試既大好晏晝
我Ｄ室友
網路少女殺手同終極潔癖王（室友既名，詳見本台的８４３６）
汁曬野，走左佬
咁我就同露械惡魔男係度傾計
考完試，心情都特別好

講講下
唔知點解講到殺人
之後露械惡魔男就好認真咁同我講
「殺人
處理得不好，就叫殺人
處理得好，就叫失蹤人口」
我個心當場寒一寒
之後佢仲講左好多野
又話刀要磨利Ｄ
要買超級大垃圾袋
方便車去荒山野嶺埋左佢
又話如果想用廁所沖走佢
唔可以用普通果Ｄ通廁所ＳＯ２
唔夠勁，要買勁Ｄ果種
（片刻之後）
傾完計，我地就各自出左去啦

夜，我去完街番房
係房門口見到裏面冇開燈
即係冇人啦
咁咪衝入去囉
一入到去，間房黑媽媽
救命呀～
我見到有個人趴左係地下度呀
郁都唔郁，好似瓜左柴
今日晏晝先同露械惡魔男講完Ｄ咁既野
佢仲講到好有經驗咁添
到左夜晚就見到有個人訓左係度
果種感覺真係難以形容
我想行近Ｄ睇下佢瓜左未
點知露械惡魔男佢突然出現係我後面
．．．．．．
各大經典殺人片劇情
當殺人犯發現證人Ａ見到屍體Ａ
證人Ａ就會改名
叫左屍體Ｂ
．．．．．．
點知屍體Ａ突然起身

頂～原來佢係網路少女殺手
佢話突然唔想番屋企
所以番宿舍
之後又累
咪趴係地下度抖下
點知訓著左
真係變態
嚇到我死
我以為我要做屍體Ｂ
一齊比人

處理