知唔知咩先係真正既懶人？
我好愛我個新聞台
所以唔好以為我荒廢佢
我呢排冇理到佢
點解會咁？
我只係懶

知唔知咩先係真正既懶人？
有一日
我高高興興咁出去行街街
時間就係金錢
梗係要分秒必爭咁去盡興啦
呢個時候我親愛既白天使己經非常肚餓
但係狠心既我冇理到佢既哀號
我將佢既氣力用盡
最後，我竟然要推佢去天使餐廳食飯
推左半個鐘
點解會咁？
我只係懶

知唔知咩先係真正既懶人？
我宿舍有兩對出街經常著既波鞋
佢地分別係舊愛既「耐吉一號」
同埋新歡既「星仔Ｂ２」
佢地對我都非常重要
突然間，我淨係著星仔Ｂ２
佢地以前得寵程度係５：５
最近呢個月係１０：０
點解我會咁？
因為我平時著鞋唔綁鞋
直接穿對腳入去
而耐吉一號最近條鞋帶鬆左
所以我捨棄左佢一個月
點解會咁？
我只係懶

知唔知咩先係真正既懶人？
唉～我考試唔合格
我要被人當啦
只係因為我太懶
被當
真係讀書生涯既初夏
重修
簡直就係學生既春天
對唔住啦各位觀眾
我大三會好努力
我唔會再懶