電話全日響過10次，其中四次係個nf打黎，兩次係亞珊打黎，兩次係Norman越洋打俾，仲有兩次，係佢...

臨放工用公司電話打俾佢，問佢0係邊，以為佢番左屋企溫緊書，佢話佢食緊飯...
唔敢阻佢，速速收線；但係之後突然記得有d野要問佢，諗住打俾佢問，跟住行緊去搭車途中，打俾佢，結果...冇人聽...

其實我係咪真係好煩？煩到佢要避我，煩到佢同我講電話都開始係一種施捨？到時到候就會話俾你聽，時間夠喇，好收線喇，咁？

我唔想再理人點諗，我想做一d自己一路都想做既野，我就係我，我點解要理人感受？既然都冇人理過我感受，我點解要仲要去理人感受？係佢教我做人要顧及人既感受，但係佢有冇理過我感受？0係佢心目中，佢其實當我係咩呢？我開始會諗，佢係咪已經唔鍾意我喇？

我唔理，我同佢講左，反正佢做到月尾，俾埋呢兩個禮拜時間自己諗清楚，係咪真係應該唔理佢鍾唔鍾意我都好，只要我鍾意佢，就應該keep住咁既關係。我話過我會珍惜我地呢兩個星期既見面時間架，因為其實我知道，好多野，佢已經有答案，只係唔想講出口~我知道，其實當佢離開呢間公司，佢就唔會再俾我搵到佢，就好似佢依家唔駛番學，放工之後我就搵唔到佢既情況一樣~但係因為我真係好鍾意佢，所以我會再俾自己多一次機會去諗清楚，等自己可以做到無怨無悔....

我諗，又係時候俾藉口自己開始去放pair喇，又可以去發癲喇~

反正，無論點都好，我都係冇人地咁得人鍾意，冇人地咁馨香，冇人地咁抵錫，冇人同人地感情咁深厚，冇人地...............................................