我發覺自己真係開始痴痴地...

有時想咁樣，有時又唔想，矛盾咩？我又唔覺自己係，只係個波好似越吹越脹，就黎爆咁...

見唔到佢一日就會發癲，咁佢唔做既時候我會點？後果不堪設想...

我好想搵個心理醫生睇下，因為我真係唔知自己想點...

早幾日同茵茵去搵左個師傅睇八字，師傅話我一生桃花甚多，雖然唔係靚，但係唔知點解d男人見到就會好想識我，所以我去做karoke果d會好適合我咁話...

又話我25歲頭會識到個男人，佢就係我既真命天子，呢個男人一定係有錢，冇錢既話就唔係我老公，仲話我冇乜事業可言咁話，因為條命根本係唔駛做...係咪應該開心呢？但係即係暗示唔係佢喎﹗但係我想同佢一齊喎﹗咁點算呀？

仲話我黎緊大把桃花唔駛休，佢仲叫我要識耍手段，唔好咁易tum，咁易呃...

唉~你估我想架咩？我只係見到心儀既男仔就會神魂癲倒，咩都唔知0者~

唉~成個人都好似冇咩心機咁，一日到黑淨係匿埋0係屋企喊餐飽，可以點？唔知？又好似病病地咁添~~