尋晚約晒成班好姊妹出黎，好齊人，有我啦，茵茵啦，棋棋啦，亞珊啦，郭翠啦，Carman啦，係爭劉少一個，佢話唔記得左喎...明明已經confirm過幾次架啦，都會唔記得既？不過都唔係大問題，因為我地都好開心﹗

今次function係我做攪手既，所以見到大家都開心，我都開心~

跟住好好笑，咁我地間房唱到10架咋嘛，然後亞茵d fd就話叫佢去下場啦，問我地去唔去啦，跟住棋棋話去，其他人唔去，我就話香港就去，九龍我就唔肯去咁...
結果...亞茵去聽完電話番黎話，落樓下Green Box，我話都好丫，起碼d野飲可以拎埋落去，唔好side，仲有成三枝啤酒三杯凍檸蜜，點知個經理哥哥就話咁係唔得，d杯都唔同，又唔同層咁話，但係佢又唔肯俾我地extend間房喎~

最後，出動左我地兩大美人(我同亞茵)用美人計先屈到佢地俾番同一層既房我地，不過細d，arm arm好，冇咁大，但係就唔限時，我地先肯罷休