今日
同我阿E.佢老公.佢老公個家姐.佢既仔女.同埋佢老公個家姐既仔女一齊食飯
食完飯
我阿E話要去”X佳超急屎場”買D野
佢話唔想帶埋D細路去攪住晒
於是就夾硬扔左俾我.要我同佢地番屋企先...
佢俾番幾皮我搭的士.都算有番D良心

車上總共有七個人
包括: 我 工人 的士佬 小男孩A
小男孩B 小女孩A 小女孩B
我地一上車既時候.個的士佬已經面色一沉.我都好明白佢既心情...D細佬好得嘈
先說一下.男孩A-4歲 男孩B-6歲
女孩A & B-5歲 的士佬-40幾 工人-廿幾 我-好後生

一上車.D細路先熱下身.WARN UP下個口
之後就開始左對話
首先.佢地講左D有關學校既野.
然後...
小女孩B: ”你中唔中意同佢(小男孩B)玩呀?
小女孩A: ”我已經有意中人架啦~(佢的確係講意中人呢個TERM).佢係我既同學仔泥架”....”佢係我男朋友...好靚仔架”(你老頭係都話靚仔架啦)
小女孩B: ”(不甘示弱)我都有意中人呀”
小女孩B又話: ”我總有好多男仔中意添呀”
小女孩A: ”有幾多個?”
小女孩B: ”有十個呀”(有冇咁誇呀)
小女孩A: ”嘩...我就冇咁多啦...得一兩個咋”
小男孩A搭訕: ”係啦...我都冇呀”(你有男仔中意既話就慘啦傻仔...我唸)
小男孩B開口啦: ”你地咁勁既”(不過冇人應佢)

佢地再癈話左幾句
就轉左話題
小女孩B: ”我地玩...皇帝丫”
小男孩A: ”我係重帝....你(小女孩A)係皇后”
小女孩B: ”咁我係咩呀?我係心田公主”
小女孩A: ”皇上~~~~~(把聲好肉麻)”
小男孩B: ”咁我呢?我係邊個?”
小女孩AB...: ”唔...呀!你係公公”
”凌公公~~”
小男孩B好無奈.亦冇再出聲.只好怪佢比較正常
好神奇.佢地分配完角色就冇下文啦.果然好好玩呀下

小男孩A有D意猶未盡: ”我地玩白雪公主丫”(我好奇怪點解一個男仔會話玩白雪公主呢?...不過我好快就得到答案...)
小男孩A極速接住話: ”我係白馬王子”
(呢條細路真係自尊心過強.我相信下次佢會話要做布殊)
小女孩A: ”好呀.我係白雪公主”
(我忘了說.小女孩A係小男孩A既家姐.果然係親姐弟呀下...)
小女孩B俾人搶左位.有D不是味兒.冷冷應左句”好呀”
不過”好呀”之後就冇任何回應啦
而大家亦不了了之(小男主孩B仍繼續心灰意冷)

小男女孩A係我表弟妹.平時都好說出驚人.我都唔覺特別.不過估唔到小女孩B仲利害...十個...勁

途中個司機不繼陰陰咀笑
要睇住佢地我就有D無奈