昨晚.當我睡到醉生夢死既時候
我既腦下垂體特然刺激我既潛意識再牽動我既反射神經
我立即掙開眼
一秒鐘之後...我聽到”達”一聲
雖然周圍好黑.但我好清楚係乜野事
我彈起身.開燈.搜索.前後三秒.
我見到佢啦.佢亦知道我發現佢.我地對望左一秒.我地好有默契.我轉身走去搵化武既其間.佢都以極速找尋最有利位置.
我番到房門口.我同佢鬥定力.
如事者.我係房門口守侯左2個鐘頭...
終於.佢露出左破綻.一下小小既腳步聲換來既係地拖沉重既一擊...
佢雖然受左呢招.但腳步依然有力.大步咁向住有利既地方走去.
我當然唔會俾佢得逞.我比較心狠手辣.絕子絕孫化學武器接住就上.
佢拖行左幾步.終於可以擺脫塵世間既恩恩怨怨.塵歸塵...土歸土...
我帶著勝利既微笑.再次進入夢鄉.
此刻天邊正出現第一線曙光......