12月9日夜
真係玩死
返到屋企
睇完封信
就成村人一齊搬晒間屋入面D野走啦...
真係乜都搬晒..
杯都拎左幾個
油都拎左幾枝
搬晒落樓
然後搵左架貨車
果時已經係半夜3..4點

我跟車出到上環
上上落落幾十轉
再將D野搬上樓
搬好晒啦...又6點..

搬完唸住去食野啦
咁我姨丈落左去先
我跟住落
咁梗係關門木關鐵閘架啦...

好..食完早餐..
返上佢..
佢先話我知..
鐵閘唔關得..佢冇鎖匙..
鎖匙係裝修佬到..
頂...!!!

我電話係入面..
袋又係入面..
衫都係入面..
當時我只穿一件短T..
身上只有一個銀包..
死...!!!

裝修佬聽日10點先泥
呢幾個鐘頭..
又累..又凍..
又冇沖涼..
唉..
兩個男人..係條街度..
行..
行..
行..
最後都係要去”純粹租房”
我幾驚佢見2個男人唔租呀..
100蚊兩個鐘
8點..
我地訓到11點先起身...(雖然10點有CALL叫我地..但係俾我”給”左線)
一出門口...
個阿姐話..”你地過左鐘喎..要補$50”
我姨丈就話唔知喎..冇人叫..
然後極速衝入電梯走人...

返到去間屋度..
洗下身..
刷個牙..
又要返工...
慘慘慘!!