八月十七日
又係由於尋晚睇奧運，所以今朝又遲起身，不過好彩冇遲到。今日o既活動係以湊細路為名，去睇白海豚為實。因為我都冇乜點理過D細路，淨係不斷咁影海豚，今次係我第一次睇，發覺佢地數量都幾多下，經常浮出上面，不過就離我地好遠，影到都好似得粒白色野咁，用眼睇反而仲好!!!睇完之後回程，好嘈果D細路突然靜左落黎，我已經感覺到大獲，之後班細路開始黎料，暈o既暈，嘔o既嘔!!!場面極為壯觀，猶如放煙花一樣，搞到我都有D反胃
落左船，架車仲未到，咁我就同D細路玩左陣，佢地好似冇哂事咁，勁精神，好野!!!返到屯門，食完飯之後就同魚精過市心買書，買完之後就不斷咁hea，因為魚精仲未到湊女時間，我地好離譜咁入去哈迪斯齋坐，之後仲訓著左添，hea到太約五點，魚精就去湊女，所以離我而去，我忽然覺得自己好有義氣呀!!!
食完晚餐之後，突然心血來潮想去跑下步，咁就落街跑左陣，由新圍跑過IVE，之後就跑過建生，再由建生跑回家，其實都唔係跑左好耐，大約半個鐘，但係都已經死咁滯，我體能真係好弱雞......