2004-06-04 07:27:24
好唔開心......佢始終都唔明白.....永遠都唔會明白.....

係咁唔得閒可以唔好揾我.....唔好搞到咁勉強....

已經變晒....佢唔再係以前既佢.......

以前佢無論點唔得閒,都會抽時間見我,一個星期總有4-5日係一齊既,每次出黎總係可以玩一日...

但對上一次見已經係20/5既事....今日4/6喇~有冇半個月?
今日約我係要去銅鑼灣先可以去到七點九,問佢幾時出~"等我訓醒2點先lor~"咁

咁難為可以完全唔出ga....唔使咁ga....

佢已經變左第二個人,我接受唔到呀!~佢變到我完全唔知點同佢溝通、相處~

時間既編排係佢自己決定ge~~~既然佢揀左邊d時間去做佢自己既野,咁我都冇權干涉佢呢個決定,但起碼我都有權唔開心卦....

佢話我都一樣冇揾佢,叫我問心,但佢根本唔明白我好怕當我主動去揾佢嗰時,佢會唔得閒,而其實我最怕當我揾嗰佢時....佢同緊佢嗰個一齊....

嗰種感覺令人窒息....
我唔敢面對....

呢d野我又點同佢講?唔通話：「我其實冇左你會好辛苦,你有第二個我好頂唔順呀！！」咁咩....

我只可以話佢重色輕友,或者冇時間出黎玩~

不斷咁埋怨只會令佢越黎越覺得我好無理取鬧同小器....佢根本就唔會明白我係點諗.....就算明,佢都唔會做我想佢去做既野....

唉....好辛苦....我唔奢望佢會做d咩.....只係唔想佢耐唔耐就黎掂下我個傷口....如果永遠都唔再同佢有關係或者可能我會唔記得....

o岩o岩仲要打黎鬧我,之後cut線....

係我既錯.........我諗應該係我既錯...我唔應該期望過高....

我唔可以講我想講既野.....做咩仲要打黎鬧我wor...佢以前唔會咁惡對我ga........................

我唔想喊呀..........