11/27日
細女Cherie o既生忌
以往我都會o係佢同佢家姐Cheukie o既生忌死忌都會食素 以示悼念
不過今次開始 我改變左呢個習慣
我決定以後只會o係死忌先食素
因為我覺得果兩日係佢地o既生日 應該開開心心
食素 總覺得帶點不太愉快的感覺

我於今天拋開了一切 不去想甚麼 盡力去開心
希望佢在天都感染到這份歡愉
I LUV U MOST

近黎有著種種o既問題需要去思考同考慮
今天算是給自己個腦抖一抖 鬆一口氣

本來我是決定左05年開始才去"復出"
不過 突然而來的一個要求 真的令我有點不知所措
多謝別人對我差勁的才華上的欣賞 及誠意地邀請我"提早復出"
我深知道這個Project要有時間限制 需要由現在開始去搞
不過我真的需要考慮 因為我真的不知何解 我好似仲未過到我o既心理關口

Decemeber將到 亦即代表05年將近
亦是時候開始為"復出"鋪路
Fashion上的 需要開始跟Japan, HK, Shanghai的朋友/幫手再聯絡及研究
Music上的 亦需要開始準備跟人去聯絡
聯絡時所需談及的野 又需要諗 Allocation又需要諗
唉 真煩
這些私務再加上現在的工作 令我覺得05年將會是幾忙的一年
希望自己o既惰性會有改善啦

而自己呢 都慣了做一個衰人了
不了解我的人
(雖然真係了解我的人真係唔多 因為好多人成日俾我表面同埋特登鋪排而做出黎o既野呃左)
鐘意點諗我話我 我都唔Mind
Maybe係有點變態同自虐
人地唔鐘意我憎我時 我就鐘意令佢地越唔鐘意我憎我

好多野都唔想去理去諗 一切野我都會以"隨緣"去面對

依家我只需要Bring Back我o既OWN ATTITUDE