查實本人真係好想ｕｐｄａｔｅ下個新聞台，但無奈．．．

１０／０１／２００４
今日放左工同方麗嫦一心出去睇德州電鋸（到而家都係分唔清個戲名），點知出到去百老匯無得做，唯有轉軚睇活鬼胎。套戲一的都唔恐怖，得啖笑，再加上泰文更不在話下，大家睇到笑又睇到訓，真係攞命！

１２／０１／２００４
由於前日同方睇唔成德州電鋸，今日放工再接再厲出去睇！
臨入場我就好似驚死會餓死，佢就驚會嚇死，大家係咁買野食入場！
當中包括：爆谷、熱狗、雪糕及可樂！估唔到方唔多驚鬼片反而會驚血腥片，佢既反應真係笑爆！睇完戲兩個都唔多肚餓便求其搵間茶記食野！

０９－１０／０２／２００４
原本ｄｏｎａｌｄ有份提議去既澳門，最終得我同方去！
我倆係信德中心飲完茶便搭船過海。
呢兩日的行程密到爆。最記得係比狗追、同傻仔（自己都係）講野、夜媽媽去左個怪地方買宵夜，原來方會陪我癲！！

１６／０２／２００４
入左去將軍澳同方睇大城小事，兩個又係掛住食，臨入場去左百佳係咁買著片！
『愛我』好好聽，睇完去左方樓下吹水！

１７／０２／２００４
今日放工約左方同佢媽去尖沙咀睇幻彩詠香江，多人到爆，大家係咁嘩．嘩！
之後左去食味千！

２４／０２／２００４
今日放工入左屯門搵江同麗全食飯同睇拳霸！
原來屯門都幾多打冷野食同有間新裝修既凱都，但始終有陌生既感覺！
睇完戲趕搭西鐵返家，第一次搭西鐵，果然如江所講，人影都無隻！

２７／０３／２００４
今日放工同江及ｂｅｌｌ去左睇ｂｉｇ　ｆｉｓｈ！
套戲真係好好睇，的歌同配樂又好好聽！
我唔記得個晚去左邊食飯，係咪老廟呢？

３０／０３／２００４
好想睇鬼眼２，但江話鬼片唔好預我，就係咁我搵左肥強一齊睇！
入場後兩個扮晒野咁，點知越坐越低，一有的唔對路就互相"批肘"，
唔知點解就係好鍾意呢的又要驚又要睇既感覺！
戲院中有個男人係咁發出類似磨牙的怪聲！！