零三年十二月三十一日

放工後同左ｍａｇｇｉｅ打算去金鳳食飯，點知人多到爆，最終改食酸辣肥牛米綫！食完去左家樂穿耳窿，畫位時個女仔問我其中一個係咪小朋友時穿，我好好奇佢何以見得呢。原來耳珠隨年月增長原本正中位會變成內籠位！～～水瓶座～～

之後就去左中環站匯合江往蘭桂芳ｃｏｕｎｔ　ｄｏｗｎ，因為將近倒數時段，我地只能迫到去肯德基對出既斜路等待。係完全無先兆下聽到響"咹"聲，但隻錶同我講未夠鐘喎，但照歡呼！！等待緊真正既十秒時附近的人都無乜反應，直至見到前面有汽球升起大家先遲半拍咁叫，最終係唔係咁倒數既情況下數完！！
倒數完江叫我揀去食ｂ仔涼粉好定去漫畫人好．．．揀漫畫人！
搭ｍｔｒ往銅鑼灣，我倆去到發現唔見便係附近係咁搵。儘管我倆只係去過呢間一、二次但深信大家唔會認錯路！！大家忍唔住問個保安員先知間野摺左．．．唯有死死氣咁去番尖咀個間待到５點幾會歸家！！
搭地鐵時，江同我講隔離個人個頭仲油過你，一望之下係心口吹風筒個女人，笑爆！