今日放工後同左ｍａｇｇｉｅ去食走廊檔既魚蛋、燒賣及美心西餅，大家都好有做肥婆既潛質／本能。　（重申一點：ｍａｇｇｉｅ並不肥）
聽日短週，趁今日早走就拎埋笠左好耐既ＦｅｄＥｘ紙皮箱同埋ｐａｔ送既酒樽歸家，沿途幸得ｍａｇ幫忙，個箱真係好靚又好用！！

講好今晚去ｂｅｌｌ度打牌，點知到左１１點幾打比江，珮彤話佢訓左，心諗會打唔成．．．點知到左１２點度江打黎講完一大輪就起行。
打兩打做翡翠音樂幹線，今晚播舊歌可謂ｏ岩晒我地，肥仔們就係咁高歌，超爽！
打到三點幾大家都開始ｈｅｉｒ，無幾耐肥強就走人，ｂｅｌｌ入佢爸媽房訓，我同江超自覺地開梳化床睇電視待訓，臨訓前入去搵ｂｅｌｌ但見唔到再搵兩搵先發現佢成隻蝦米咁訓係張床度仲要比的洗好既衫褲襪遮住晒，看罷不禁大笑！！
朝早半矇矓狀態見到ｂｅｌｌ已整裝待發，佢出門後我同江就係佢家ｈｅｉｒ左一陣便往長發麥當奴食早晨全餐！！
下午同囡仔落街玩，好鍾意同囡仔一齊等過馬路，很有趣！