28-8-2004 sat 8+ 雨

今日一早起身 之後搭車去中港城
去到商場先知冇帶身份證...上返去拎

去到中港城食野 之後同老豆會合(佢上午返工)
之後就上船啦
因為知道船上一定有人嘔(我至怕聽到d聲 聽到我都想嘔)所以一上船就聽歌訓啦

o係船上面有一個打扮係嬉皮士o既人 好想同佢影相呀
之前睇電視就見過 但第一次見真人
佢原本坐船頭 之後大浪住o佐o係mum&dad前面
佢一路行 d頭髮好似八爪魚咁fing下fing下 好搞野
我老豆見到笑 個嬉皮士就申o佐條利出黎haha 真係好搞野(佢個頭仲fing緊)
佢隻眼好靚呀 如果佢俾粉紅教兵執下 一定勁靚仔呀
不過佢個頭真係好臭呀 佢經過咋 我都文到呀
真係好想同佢影相呀 不過老豆話佢個頭咁臭,都唔知有冇頭蝨
佢個fd又嘔完 費時搞住人啦

去到o個邊碼頭就落雨啦 我地成家人一把遮都冇呀
不過好彩有酒店車
去到酒店 諗住間酒店好靚啦
因為話係5星級 成2千幾蚊一晚 呢個價錢都住到半島啦 應該同hk d5星級酒店差唔多掛
點知一去到lobby勁多外人 已經大打折扣 太雜啦
上到房都諗住好正啦 今次住豪華房
但係同其他4星酒店一樣 唔同o既間房就只係大d咋

settle down完就去酒店商場行下
以前酒店唔好 商場都好d呀
個商場叫置地(landmark) 我以為同hk o個個一樣
但係 一d都唔係 仲好雜tim呀 勁多自由行(d自由行唔同hk o個d澳門o個d粗魯好多)
之後去睇下酒店設施 都ok啦 不過泳池比之前提及o既差好多
心諗:今次俾人搵o佐笨

跟住返上房 睇下電視...
等到5點幾出o佐去行下

我地o係酒店搭的士去文華東方(另一間酒店)
但係酒店o既服務真係差o佐d呀...
反而文華東方好好多 同樣係5星級 但係就好唔同呀

行o佐去隔離o既金沙(新o既大型賭場) 好多人
唔明點解 又要排長龍上去賭...又迫...又多人
d人仲帶埋d仔女去賭
但係d細路唔上得去 掉低佢地o係門口
咁辛苦仲去賭 賭真係咁大吸引力??

之後去食萄國野 原本有心水餐廳 但係的士佬推薦另一間 今次就聽o佐的士佬講
間野幾好味 但係好貴 成9百幾蚊
之後搭的士 聽今次個的士佬 其中有3百蚊係之前o個個的士佬o既commission
原本餐飯只係6百幾蚊真ok啦

night~去o佐酒店o既賭場 入去見識下
只係玩老虎咋 其他都唔識玩
裡面有野食,有野飲(free)ha聽日可以落去食早餐
不過賭場真係好臭 好大陣煙味

29-8-2004 sun 8+ 雨
起身...去o佐做gym
澳門今次黑色暴雨警告呀 擔心冇得返hk
之後去o佐觀光塔o既旋轉餐廳食自助lunh
(咁o岩今日o個邊特區首長連任選舉)
上到去都睇唔到野 出面好大雨 只見到白茫茫
第一次去旋轉餐廳咩都贂唔到 有d失望
d野食都好好咪呀 又多野擇
之後去o佐觀光塔內2層睇景
今次第二次上去 冇晒咩感覺
但係見到玻璃地下 又興奮返

之後去o佐新八百伴打下機, 食下野
4點半就上船啦
今次船好泡 好多人o係船嘔 好彩我帶o佐mp3咋 如果唔係要聽o個d交響曲呀