話說上次honey同我討論完呢個問題後，
大家都有意無意地唔再討論呢個話題。

早兩日，
honey爸爸再一次同honey傾，
原因係honey三家姐改變主意，
打算搬入元朗住。
原因？
係因為感情大創傷。

呢件事發生係上年年頭，
三家姐同拍拖三年既酒吧老闆仔分手，
之後同左個有老婆o係內地既臭男人一齊。

三家姐諗住阿臭男人好快會同老婆離婚，
所以獨力租住佔月薪一半既apartment，
諗住同臭男人有個安樂窩。
男人就係咁賤，
拖左咁耐無離婚不特止，
老婆仲單程證黎埋香港定居，
最後，
當然係三家姐損手爛腳人財兩失咁離開呢段感情。

honey爸爸知道三家姐今次hurt得好重，
驚佢做傻事，
命令honey同三家姐一齊住，
地點最好係元朗，
因為想請個鐘點女傭，
女傭可以打點兩頭家。

honey已經拒絕左，
佢唔想搬黎搬去，
因為佢打算明年中牛潭尾起好先一次過搬。