「說話」開始無經大腦思考，語無倫次，例如︰想講"聖誕"變"復活"。

「換錢」仲死，最深刻的一次，有人同我"唱"兩蚊散銀，因為對方要亳子，我倒晒啲散銀出黎，望咗好耐都搞唔掂，最後對方忍唔住自己出手攞夠數。至於一大班人食飯湊錢埋單時，我會好快咁講得出每人要夾幾多喎，有時仲可以去到小數後兩個位架，但到攞錢出黎時，攞半日都搞唔掂。我朋友忍唔住話我哩啲咪係"紙上談兵"囉！

咁知我靠數學攞分既朋友會問，我平時點做數學既文字題呢？話俾大家知，其實我望住條題目，只係見到啲數字同幾個keywords，就開始解題寫答案架喇！

有個friend咗既同事告訴我，初時以為我整蠱佢，佢好炆我成日都話睇唔明佢寫乜，直至近來，我問佢別人寫給我的一句很短的說話時，佢發現原來我真係「閱讀理解」方面出問題~(佢心諗︰咁都唔明？有幾難明呀？！)

 另一方面，我有馬騮、羊仔、豬仔、蝸牛的特質，例如︰坐唔定，雖然無運動，啲手腳都仲算靈活，愛吃有草青味的食物，貪睡(一放假就瞓，足不出戶)，反應慢…