一直都未完成，依家就寫埋佢啦！

事情一︰

今年醫療隊的急救年試考完，而成績只係合格，無丁，考咁多次年試，今年都算係最頹的一年，無溫書，無練習，無夾檔，有合格，仲想點呀？要丁，唔係嘛！

事情二︰

因為電視劇o既影響，有朋友提起我考紀律部隊，諗返起一段日子前考過警察，仲有，今天(2月25日)去睇o左個同時期去考警察的朋友升旗，係呀，做警察係佢一直以來的志願，佢一步一步咁去做，佢就快做倒喇…佢3月21日就會畢業，如果我當時無退出，唔知我又會唔會捱得到畢業呢？唔知我依家會點呢？我朋友都有問起我，「你有後悔嘛？」

事情三︰

人有相似，唔知大家有無同感，我成日都覺得有好多人有相似，九型人格…我諗九種性格真係夠喇！係朋友當中，我已經覺得有某些相似，有個隊友既隊友，無論係身形、打扮和談扮都同我一個同事好似，有個家長的身形和打扮又同方醫生好似，有個隊友同隔離隊的一個隊友好似，有個因當值而識的朋友的膚色和表情同谷德昭有幾分似，再加點曾志偉的談吐，幾得意，又有一個教會既朋友好似我一個同我一齊返過教會的舊同學，仲有…一時間諗唔起的，每次我見到其中一個就會感覺怪怪地，後來我就察覺是因為人有相似，令自己諗起另一個人，又覺得哩個人同那個人名不配合，所以就覺得怪，識我o既朋友們都知我記人名好差，特別係中文名，記數字就會好好多，哈！

事情四︰

我明白點解有些人會上網上到唔駛睡覺，因為網上真係有好多好多片睇o架，同事們介紹「螢之光」好睇，故事講述一個女仔寧願回家睡覺，也不願意上街約會，過著那些好像魚乾那樣無枯燥的生活，我聽到哩度就覺得好有共鳴，咁就開始睇左第一節，ok喎，我同佢都有幾分似，不過，再做落去，原來都係做d只會係劇中才會發生的事情，就係有d有才華、靚仔等…總之就係條件好的男仔送上門又或是不知怎的拉上關係，所以睇到第二集就無人再追看落去。到今天(3月9日，病假)，o係yahoo睇新聞，無意中睇到youtube的幾段片，原來，有d時候，只要肯花心思，現實的生活也可以是真實的一場劇…

影片一︰http://www.youtube.com/watch?v=EnK-xNTQRPk

影片二︰http://www.youtube.com/watch?v=SeeS6GlmyHc

另外，又無意中睇倒這段可能係某些人心中幻想想做的一件事情的創意廣告，幾有趣，大家不妨去睇睇輕鬆下，http://www.youtube.com/watch?v=d35_v6HzLzE

事情五︰

昨天返醫療隊總部當值，湊巧遇到一位職員，佢問我有無諗過轉工呀？佢提到政府打算逐步請返公務員喎！因為驚d大學生畢業一路都搵唔倒o野做，再者，政府都好幾年無請人喇咁，我話我無大學畢業o架，我d無自信又浮晒出o黎喇，越來越覺得自己畏首畏尾、唔衰得、唔可以再有甚麼差池，我知點解…雖然媽媽無講到出口，但那二十四萬是我敗的，我知媽媽係好唔甘心，而且我係責無旁貸，我仲點可以有乜行差踏錯的機會，唉！

其實，我有乜理想呢？如果我可以好似我個朋友咁有志願而且可以做到，你話幾好呢！又有幾多人真係可以咁理想呢？成日都話唔好比較，但…如果你見倒人地咁，而自己又咁，乜你個心可以無感覺咩？我有個同事話，佢爸爸幫佢行快o左十年，因為佢爸爸俾o左首期買o左個單位送俾佢，不過佢就要自己供，佢自己同我傾計都忍唔住同我講「你相唔相我其實真係好慳o架」，我相信佢，亦都留意到，我都要學佢，因為有個叫雷曼o既兄弟拖慢o左我十年的腳步，我都唔知仲有乜可以做，一日過一日係啦，過我乾物女的生活。