真係有好一段日子沒有到這裏來，是因為一連串的假期、活動、工作等，加上生病，由12月1日起就開始咳，跟住大傷風，結果o係12月8號及15號一共睇o左兩次醫生，連續兩個星期一病假，以為漸入佳境，遠離病魔。12月20日起開始我的聖誕假期，咁我就努力休息，主要在被窩出沒，跟住o係12月25號返惠州，12月30號返香港，12月31號返工，收工又返上廣州，1月1號返o黎，點知o係1月2號覺得左邊心口入面痛，起初諗住自己背行李搞到肌肉疲勞，等到1月6號都無改善就走去搵醫生，醫生話係骨膜炎喎，ohoh...係一個需時好番o既病呀！係以月計架，醫生俾o左一星期o既消炎藥同胃藥我食，過o左一星期o的藥食晒再去覆診，醫生聽我講話無咁痛，即係o的藥有效咁話，所以都係俾返o個o的藥我食，又係一星期o既藥，食晒未好番(即係仲痛)就要再覆診。

工作方面，1月開始，要預備小朋友的成績表o係1月16日出街，就一直忙住印小朋友的成績報告，老師將哩o的印刷品入file，做到成本小檔案咁，即係profolio呀，A4 size咁大o既 box file，所以每天都有一大座鏟極都唔郁o既山，到今天，終於把那座夾雜著不少通告、文件的大山移離，剩下來的沙石，那是小一入學統計、教育顧問的手稿、學生的學習報告等排著隊等待著我。到下星期五(即1月23號)我又開始放我o既農曆新年假，放到2月2號返工。

好忙呀…忙住返工、忙住放假、仲有忙住病tim。諗諗下…其實都幾好，返十數日工就放假，不過，都有代價o架，一個月o既工作要濃縮到半個月完成，好在出糧係出足一個月鎹，哈！