今日同個要好的舊同事msn，一直都好鍾意同哩位朋友仔傾計架，因為同佢傾計好舒服，d說話又聽得入耳，今日講到讀書、進修，讀書為乜？進修為乜？我一路都諗讀書為將來有多d出路，又因為欠個學位而想讀書，忽略了是否適合自己，傾下傾下，原來自己都無目標，只為將來搵份好工而想讀書，但問題中心係自己都唔知自己想點，依家…收工返到屋企，六點半都未到，覺得有好多時間，有時覺得好悶，又覺得好浪費，一係就睡覺，一係就睇電視，無所事事，書…我係有睇，義工？想過做，可以幫d公公婆婆剪頭髮，興趣？係有的，但大都是玩玩下唔等洗既多，我有既係精力，好似馬騮咁彈來彈去，但…有邊度係需要馬騮架呢？我依家份工唔係唔好，如果我做緊份工係鐵飯碗，咁我又唔介意做到退休，但…萬一有乜意外，突然間無左份工，到時先算？可以嗎？是我杞人憂天嗎？um…現在的工作我係滿足的，不過，自從發生金融海嘯，令我覺得哩個世界幾無可能的事都會發生，我諗我開始為此而感到不安、徬徨。

哩位朋友仔提到，人生到了某個階段就會開始諗下前途呀、將來呀、以後呀…如果無好好咁預備、計劃，過渡不成就好容易去到抑鬱的situation，傾到哩度，我又唔知點算喇！