今天下午收到銀行來電，電話中人講「你近來都有聽到新聞啦，你買那隻基金破產了，依家先以電話通知你，遲下會有返封信寄俾你。」當時我當緊值，不能詳談，只係匆匆掛線。
依家諗返，咁點算呀？最壞打算係我那接近一萬蚊的投資化為烏有，到現在，的確有點唔開心，我終於明白我同事係乜心情喇！
我早就已經知道自己從來都無橫財命，咁耐以來都係令人搭沉船的，就好似我的強積金組合剛轉，個市又一齊轉，聽同事的提意去銀行買月供基金儲錢保值，個銀行姐姐幫我揀「中國金龍」，好啦…買唔夠一年就破產了，唉…你話我可以點？
哩舊黑雲會否永伴我左右？
等埋張白紙黑字到，就知道結果是怎樣。

暫時的最新資料︰
今朝打電話問過銀行姐姐，今次真係糟喇…原來唔係我o既月供基金出事，係仲大獲d，係阿媽用我個名搞o既24萬債券，個莊家正正就係雷曼兄弟，o個d係阿媽o既老本o黎架，點算好呢？阿媽未知架，點同阿媽講好呢？