2008-09-05 19:57:49阿糟

口不對心

大家好嗎?
我好肚餓呀,不過諗唔倒有乜想食,其實個口都想食野,但見倒d野食又唔係幾想食,似乎胃口麻麻。
媽媽又返左鄉下喇!老實講,有媽媽煮飯緊係好啦,唔係自己諗,又新鮮,媽媽其實都有話佢返鄉下無照顧我地(我和弟弟),我地無飯開,要自己照顧自己,我就唔會煮飯架喇,我好呀,我以前用晒我煮的quota喇,上次媽媽返鄉下,細佬都煮過兩餐俾我食架,我就好衰咁無煮返俾細佬食啦,我只係用錢買左餐佢應該食唔飽的壽司請佢食,應該唔飽?!因為佢好似係夜d既時候煮過即食麵食囉。
每次媽媽返去鄉下,我都話︰「唔緊要啦…得架喇…你住得開心就返去啦!開心既話住幾耐都好啦!」其實,媽媽返鄉下我唔開心架,主要係因為無飯開,其次係無人幫我洗衫,同埋follow up下我d野,但我唔可以咁自私架,最緊要係媽媽開心就得啦!
到依家仲係好肚餓,煮唔煮麵食好呢?um…都係煮啦!
聽晚去同事屋企玩,唔返屋企食飯,繼續做無飯家姐。
9月7號投票投邊個好呢?同人傾過,應該會投俾10號,你地又會投俾邊個呀?大家都要支持下投票活動喎!