過完一個悠長假期(22/12/2007-1/1/2008)，今天返到公司，果然有點depress(電台DJ提過的那種長假後上班後遺症)，無胃口無食午餐，心情麻麻，明明有很多工作未清都唔想做，混混沌沌咁，但埋單時(收工前)計計，原來今天的後遺症比以往的後遺症輕微，至少做倒o野，仲唔覺唔覺咁清o左好多工作添，剩下的都只係我有心拖住做唔起貨的，yeah…

繼悠長的假期又一悠長的開場白，入正題未？工作壓力、經濟壓力、社會壓力、家庭壓力…？！仲有無其他的壓力呢？

我常常都說自己不善詞令，所以我自己成日都諗住趁著甚麼節日或重要日子為好朋友揀選份禮物表達我有多重視我的朋友，但很多時不一定找到合用的，就算明知對方係鍾意甚麼公仔，也會為難，我總覺得不能買張貼紙就草草了事吧，也總不能乜都在心中的，明明是為了對方逛了大半天，結果都是兩手空空，這是我最懊惱的，還有，對方多數是不知道的，可惜嗎？浪費時間嗎？不，絕對不是浪費時間，只係有點無奈和炆炆o地。各位親愛的朋友們，如果您收唔倒我的禮物，請不要失望，只係我未揀倒，而不是不重視您啊！呵呵！我時時都有想起你、妳、您、禰、旎…o架，我4歲半的姪女都有她時時掛念的人啦，所以，我會好直接咁對各位講我喜歡SANRIO的The Runabout車車，仲會講埋那些產品我已經有喇，不用送了，讓大家少一點苦惱。這就是我想說的其中一個另類壓力—太著緊我的朋友。

另一個另類壓力就是來自我姪女，或者我太投入與她一同生活，很想好好的陪伴她成長，事例︰今天，我媽叫我姪女起床，但我媽的方法不奏效，我總不能袖手旁觀，便著她起床，成功了，但她還是有點鬧情緒，不竟是才幾歲的小朋友，再進一步處理，又到我媽鬧情緒，因為我快要遲到，我媽緊張我的時間，說我好理姪女，照顧姪女照顧到自己遲到返工都唔理，唉，其實我又何嘗不明白阿媽妳是緊張我，而不是嬲我呢？但妳又可否明白我有分數，我會睇住時間做人呢？就是阿媽妳的鬧情緒，我就真正陷入兩難了，阿媽妳接手料理她，我便不能出門口，那我是確確實實地要遲到兩分鐘，這少少的兩分鐘，如果妳們倆不同時鬧情緒，我行快兩步又點會趕不到呢！情緒？我都有，仲可以很厲害，脾氣仲可以很大很大，那又如何，總不能一齊同時鬧出來的，大家說是嗎？那刻那個EQ比較高就總得忍耐和處理了，是嗎？
為了這個姪女，我仲買書、借書睇，學習怎樣做對小朋友的成長比較好，又買過一本書俾佢父母睇，又借d小朋友書同姪女一齊睇，又陪她看卡通、玩玩具、做得來的都做，把自己的身心都累極了。睇到這裏，有人會問，佢父母呢？佢父母唔多著緊(其實又唔係唔著緊的，只係大家的方法不同，我媽都好著緊o架)，我咁著緊為咩呀…無他的，就是自己太投入照顧姪女和太重視姪女的成長罷了。


傻嗎？