本來想用「獨處」作為題目，但睇起上o黎好似好淒涼咁，如果用「舒舒服服地度過了這個聖誕」似乎又太長氣。

好，入正題…

今年的聖誕節主要係我一個人過的，由23號起，兩位大人返o左鄉下，姪女去o左天水圍度假，至於我就決定邊度都唔去，留番o係香港，難得屋企無人，一年無幾天是這樣的，我要好好o係屋企過番d原始又簡單的生活，首先係唔用電腦，但電話照開，不然就是失蹤了，23號上午返AMS總部考年試，下午同隊友去工展會，24號(平安夜)起床，非常寧靜，梳洗食早餐，留港的代價就是要想辦法消滅冬至剩餘的豐富「食送」菜，包括8-10條的蒜味超大蝦、吃了四分之一都無的超大條蒸魚和吃了幾塊的半隻燒鵝，還有碗半至兩碗的白米飯，嘩…食到我…今天(27號)上午的早餐終於完成。

回返少少帶先，24號起床食完個早餐之後，開始睇電視，睇到悶就睇下碟，接著聽收音機和睇書，晚上繼續努力消滅食物同埋睇電視劇。

25號，好多謝婷婷特別的來電，事有湊巧，我們各人都各自有自己的節目，免了你的掛心，一位舊同學為了我約了好幾個朋友一同往清水灣一灘BBQ，中午燒到下午，晚上仲去埋佢屋企煲糖水食，又玩牌，ok喎，今天都過得不錯。
返到屋企，電視已經無乜好節目睇了，依舊聽番收音機啦，聽聽下，依…原來係boxing day喎，拆禮物先，收到有手提電話座、電話繩和一盒燒果子，唔錯，send 返個sms道謝，點知，有個回電，原來大家都未訓，那時已經係凌晨一時左右了，妙。

26號，照樣咁過，加插了一個午睡，晚上又有新城的頒獎禮，睇到凌晨2時，再睇下書，聽下收音機，最終3時才乖乖埋床訓教。

總結︰哩幾日食得好、訓得好、過得好、特別在無壓力之下拉得好。我之前咪提過買左幾本講空姐工作的書，每本都有二百頁架，都睇左兩本喇！好耐都未試過這樣relax喇…^_^
你o地都要積極d找時間俾自己放鬆o下啊，呵呵。

在此，祝各位新年快樂、生活愉快、身體健康…

p.s.
1. 鳴謝愛美送的車車散錢包，我好鍾意哩！
2. 多謝各位對我的關心、問候、寵愛、掛念…一切在心中。
3. 望你早日放下你的不愉快心情，我們一直都沒有忘記你，在工展會度，我o地都有提起過你架！