何謂尊重？怎樣才算是有禮貌？我不懂。

我想︰如果一個人不想說話，不想與人接觸，當遇到認識的人時，沒有打招呼，連點頭也沒有，這行為是沒有禮貌嗎？又如果只是點頭，而對方開口問候，而這個人沒有回答，走開了，那又算是沒有禮貌嗎？

尊重又是甚麼？對每事都爭論，是我固執還是我不尊重？上大人問我︰「你知唔知道你依家講緊乜o野呀？」我知道自己講乜。

我已經忘記了打從幾時開始學得講o野硬倔倔，講每句說話都清清楚楚，務求沒有能被人反駁的機會，我都唔想成日好似街市買菜咁斤斤計較，我試過好客氣咁去屋村管理處要求登記八達通入閘，結果，在他們應該辦公的時間等到差不多收工時間才完成登記，又試過同上大人講︰「不要做太夜，還是早點回家休息吧！」，卻換來一句︰「我唔做，你幫我做呀！」。

OK，不要怪我，以後，不會有下次，我不會再客氣了，我唔會再勉強自己忍，我唔會再帶我的熱情出街，我投入原來是換來我的不愉快，何必！

乜你覺得叫我做o野是求我咩？咁你咪唔好叫我做囉…我才不希罕，為人師表，你憑咩發我圍呀？以後有咩要做…擺低囉…唔知幾時先做好喎！

我一連兩日被人召見，話我失儀，又問我覺得自己有無做錯，乜我可以答無咩？有…我最錯係唔識發嘮叨，另一個同事就識喇，佢可以在上大人面前連珠發炮，連上大人都唔敢出一丁點的聲，我就唔識喇，所以我決定了，保持緘默。

請別妄想我會替你食貓麵，我不會替人家背黑鑊。