2007-10-04 01:32:28阿糟

比下去…

還記得以前提及過封建思想,今次返鄉下,又係咁喇,佢o地好proud of 結婚生仔,阿媽同一d唔係好識我的親戚介紹,「哩個我個女呀,無結婚,無拍拖。」唔知媽媽想表達的係我乖定係我無著落呢?媽媽成日都擔心我以後的生活無人照顧,但現今的香港,似乎無乜女仔會諗住非要人照顧不可的。
要講得到題d先…
「比下去」—我其實想表達o既係在不用的情況,想要的東西都不一樣,甚麼「適者生存」,在我看來,是要贏身邊的人。在封建的思想下,要結婚生仔;在香港生活,要有大學畢業生的名銜、賺大錢、住大屋、博學多才;那麼,我便要夢想自己成為李麗珊+李家誠麼?不可能,所以不可能比下去。
我覺得最重要係要知道自己想點,我已經諗倒自己想點,目前,我想要的就是「享受生活」,享受不一定是懶惰,可以是積極的,工作是為我應付我應負的責任,給我安定的生活,同時我可以在工餘的時間做我想做的事,學我想學的東西。
想通了,不用「比下去」,也不必「比下去」,無止境的「比下去」是沒有意義的。

要知道世界很大,但不要小看自己。(我話o既)