2007年8月26日 (星期日) 曬

講個少少的秘密俾大家知，我近來鬧便秘，就係頂住頂住，都唔出，三幾日先迫住去一去，好唔容易咁解決了一點點，好辛苦哩！我諗我知問題在於，我返工後，水係飲少o左好多。

周杰倫的戲，我終於都無去戲院睇，timing囉，時間唔夾。有人話，哩套戲係拍施去睇架喎，你一個人又貢入去，搞乜呀？乜一個人唔可以睇架咩？我成日都係一個人睇戲架啦…以前睇「頭文字D」都係架，最近有「變形金剛」。又有人話，哩套戲係講周杰倫之嘛，睇唔倒都無損失啦…車，我就係去睇周杰倫。

我講過我對之前段感情的某d事情未放低的，某天，我執o野，執倒一張前度男友在分手後給我的生日咭，佢同我講「請你放開你的心情」，係喎，我要放開我的心情，做乜死要抱住不愉快的往事過日子呢？我要洗掉它，把快樂填入記憶，我要解決，我要走出這段陰影，所以，我今晚msn同佢傾過這個問題，佢話都n年前的事，又話「每段感情都是一種練習」，我對住張咭諗，我諗今次我應該可以放開了。
糟糟，加油！

今日黃昏去o左唱應該算係幾貴的K，因為係星期日的happy hour，但「主題」係傾計，好開心、好鍾意咁樣，大家互相信任、無所不談，多謝大家對大家的支持、大家對大家的信任。

p.s.我仲患緊「台灣單思」喎！