大家睇睇張相，係咪影得我隻手臂好肥呀？要keep下喇！

昨晚，2007年6月26日係公司(幼稚園)的35週年籌款晚宴，仲請了王菀之(唱作歌手)同埋劉詩昆(鋼琴大師)到場表演，我個同事知我想影相，就靜靜雞通知我，咁我就靜靜雞去影喇，yeah…唔係人人有架，你睇張相，能夠單人同王菀之影的，就只有幾個人，算係咁喇…為o左靜靜雞，特別係避開那個好似小朋友亂o翕o野的partner同事，我唔會放在space俾全世界睇的，淨係俾你o地睇咋。

哩個晚宴講到明係籌款，真係有少少似搶錢咁，買獎券唔係一張張咁買，而係要一疊疊咁買，少少地每疊盛惠200個紫荊大元吧！

至於自己，整晚似乎無要負責的事，但又似乎很忙地跑來跑去，有好多想趁大家都穿得靚靚的時候拍張照片都遺漏了，又未能同朋友兼舊同事聚聚舊，只是匆匆忙忙咁坐低、起身，連散場走都無拜拜佢o地，ohoh，真係抱歉。原因有︰主要掛住影相，其次係掛住食o野、幫手睇o野。