我今日又唔開心喇，我好想訓練自己 good EQ，但我今日又忍唔住向個老師發0左老脾，所以我好唔開心，好想喊，因為在我心目中，一齊工作的係同事，而不是我的工人或下人，我咁樣好唔0岩，我好想做個像樣的信徒，唔得喇，我又衰0左喇，個外國人同事見我唔開心，係咁問我點解，我就表示唔想講，一來我唔知點講，二來我一諗起就想喊，有朋友曾經同我講過「一齊工作，有講得埋的同事好緊要」，原來係真的，好似今日咁，唔開心又無得發洩，焗住焗住，鬧又唔鬧得，所以就焗到想喊，但喊又唔喊得、又喊唔出，我依家其實好眼訓，但唔寫走去訓，我會焗到好辛苦，而寫完我就會忘記喇！

今日有個朋友同我講，如果因為誤會而無0左個朋友好可惜，係0架，在公司的朋友已經唔多，走得的走，淨低的得番一、兩個，今日我點都唔同個外國同事講點解唔開心，佢就亂估，估係因為佢令我俾人鬧，所以我唔開心，佢見我咁佢又好似唔開心，加上我又無同佢食午飯，離開公司出去又無打電話俾佢，佢打電話俾我，我又話無心機，問完佢在那裏，跟住又話都係唔 go with 佢喇，好似避佢咁，誤會就係咁0黎喇，佢下午無同我講0野lu，唉…

講番…點解個外國同事會以為我唔開心係因為佢令我俾人鬧呢？因為公司有時會無端端要人OT，但又唔補水或補時，咁我咪自己調節下囉，食飯時間由一小時自動變一小時三十分鐘，我成日都遲返去公司，返到公司又唔返位做0野，咁外國人咪以為佢搞到我遲到令我俾人鬧囉。另外，我依家唔會為任何人、任何事趕工的，因為我就算趕完一樣又會有另一樣趕的，越做得快就越做得多，我唔會再咁傻0架喇，我會好好調節的，妳(做得好快好快的那位同事)呀…保重身體呀！好好節調。就好似我今日咁，唔開心就行開下，喱埋，上0下網，蛇0下，去個超級耐的洗手間，總之就係唔做0野，行行企企。

今日同朋友游水之後傾計，最後佢同我這樣講︰「既然你做得唔開心，是否需要找新的公司工作呢？」我心的答案是︰「我仲想同這個外國同事做朋友。」