俾個問題大家估下，你估哩張相片在那裏拍的？（對唔住，無預備禮物）

在剛過去的星期二（2006年10月3日），我去港龍航空面試空姐，當時一心諗住去見下世面，無諗過去爭取甚麼的，畢竟這份是很多人心目中的dream work喎，不是簡單的事情啊，那…如果能夠成功的話，當然是開心到極的事，但原來唔上心的都會緊張，因為氣氛，一直以來，我都是很容易受別人及環境的影響，仲有，自己的英文未夠班，我要再加努力先得喇。

面試的過程是這樣的，一去到便登記及填表，等…逐個叫名，去單對單英文對答5至10分鐘，完成，回家等4至6個星期通知第二次面試，無消息即係唔得囉！

以前我唔會講俾人知我去面甚麼試，因為唔知人0地點睇，諗深一層，真正的原因是我太在意得失，覺得「唔得」係好醜，就好像以前我沒有在同學面前提起我做過「IT種籽」——一份由勞工處搞出來的甚麼見習計劃俾四千蚊打發d剛畢業而失業的年青人的工作，依家唔會lu，因為我暫時都好滿足神安排俾我的工作，雖然有時我會猶疑，諗返以前，但當諗返轉頭，便覺得一切都是神的安排，所以，今次我成功的話，我會好開心，不成功的話，我也會很開心。

諗返起當日，原來沒甚麼大不了，就好似以前會考一樣。