依家有少少肚餓，唔想0訓喎，其實都眼0訓0架，有少少凍，秋季唔覺唔覺0黎緊，暑假完0左，返工有少少唔慣，因為實在太顛太嘈，諗起見倒人地做暑期工，唔錯吖，都幾恨做，因為未做過，所以依家想做下兼職，有人會話︰「你咪做緊囉，敝隊嘛！」係，不過我唔係想咁樣的，我係想一日做兩份工0個種，日頭做一份，收0左工，晚上又做一份，做乜咁辛苦自己？唔知喎，未試過想試下囉。

秋季，以前讀書話秋天好，爽嘛，依家我話唔好，0的風吹埋0黎令我感覺心寒，好孤獨老人FEEL，我都係鍾意SUMMER，雖然話係好熱、出晒汗，但我就覺得0的陽光曬落0黎感覺好溫暖。

明天(即係一陣)，我又約了舊同事(依家的朋友)食飯，哩餐飯真係約得耐喇，本來0係上個星期一應該食0左的，就係因為答應另外兩個朋友swim在先，所以postpone到今晚，講起哩兩位，上上個星期三約好0左食飯，其中一個話想食出名多人排隊的板前，好啦，我收最早又最近的，咁我去攞飛先啦，等位0個時我真係好唔開心0架，攞三人位的飛要最少兩人到場才可入座(慣例0黎的，我明吖)，但想食0個個同我講，佢今日遲0左收工或遲0左走喎(我已經唔記得佢點同我講喇)，仲話6點3先到，阿老友呀，你知唔知我幾點攞飛呀，係5點8，我明知約0左食飯，我好重視，心裏有預算要俾signal人地預備收工，有事快講，我明白，唔係份份工都可以話幾點收就幾點收，但都總有預算吧，點知到6點半先見人，仲要係人齊，連收6點鐘的0黎埋，唉，真係攞苦0黎辛，當時我在想，如果到6點半唔見人，話唔埋我會走人的，好喇，兩位大人物到齊喇，hi了一句，若無其事，佢0地兩個繼續佢0地的話題，而我，咪通知個帶位0個個我0地人齊囉，再等，七點幾掛，終於入座，企0左咁，終於有得坐喇，算啦，食0野，一路佢0地當然有問近況啦，um，無呀，無乜特別，因為無乜特別囉，又係0個份工，又係過一樣的生活，咪無0野講囉，份工？！我話過我唔會再提起份工，我唔想將我的不快發在不關事的人的身上，佢0地就係咁聊我講0野，好啦，我有0野講喇，你0地哩，點呀？有無聽我講0野呀，算，唔講喇，你0地講飽佢啦，本來即晚寫blog，無啦，眼0訓嘛。你0地唔知我唔開心哩，我係唔會講的。

傻瓜，又會唔記得返night train的，明明星期初睇住本記事簿都仲記得，仲同人講星期五唔得閒，點知就傻耕耕咁返0左屋企，仲要0係返屋企之前去0左有巴士搭返night train附近的地方食手卷，食咁耐都諗唔起，抵死啦…好喇，今朝返唔倒隊為揍人囉，前後無0左6個鐘呀，仲蝕埋個早餐，下次day train我應該唔返的，因為我打算入長洲玩。

喊，yeah，頭先睇番我上次寫的一篇，我流淚了，屈0左好耐喇，唔開心0左好耐喇，喊完舒服好多喇，肚餓的感覺又再強烈，我去搵食，找來的是雀巢的四方0者喱，好味，係我唯一鍾意的士多啤利味，其實唔係所有士多啤利味我都喜愛，暫時淨係0者喱同埋維他牛奶飲品。

睇完一個朋友0既blog，佢說喜歡以前，其實我都係，我成日都諗以前，就算去到北京都仲係0係博物館度流連，呀，點解我中學0個時0的歷史咁差0架，不過，哩位朋友以前的生活就令我有少少擔心，因為佢用「爛」來容易佢以前的生活，她喜歡爛，一個「爛」字已夠我明白，我不會勸也不會鼓勵，因為我知道你的確好唔開心，只要你喜歡的，我就會支持，大家都有好一段日子無見面了，好想快0的到今晚，但就要掉低阿媽同姪女一陣喇，所以哩，點解我會咁介意postpone0左餐飯呢就係咁解喇，因為上次餐水游唔成囉，不過我都唔能夠怪晒人0地的，因為事前大家都無約實，講到尾係我唔0岩的，點都係我錯。

兩點幾喇…仲唔0訓0教？聽日又唔知醒喇，嘴唇又爆，喉嚨又痛，工作時又釣魚，好啦，依家都眼0訓，早抖啦！