今天（2006/03/28）

同事—Tim Klippenstein的last day（佢轉工喎）。K1的老師同佢搞Farewell Party，大家都有同佢影相，礙於我的收工時間係5:30pm（4點幾開始party），我便提早五分鐘收工跑落去跟佢一起拍照，原來大家都拍了親熱照（只係有人口述，我並沒有親眼看見），而我沒有特權不拍的，所以我也拍了一張（親熱照只係錫面，就西人而言是很平常的禮貌或表達的那一種，但不會在此公開那張照片），本來大家的心情一直很平靜的跟平時一樣，到最後，佢真的要走了，每人都同佢hug下（佢好好hug的，好似一個大cushion咁），大家都好唔捨得，我當然唔執輸都走去同佢hug下啦，um...其實，我同佢唔算得上好熟，所以無乜忍唔住，而大部份K1老師就忍唔住，忍唔住乜？咪係唔捨得咁眼紅紅、眼濕濕囉！我想講久違了的是︰抱抱，記得以前返教會遇到很久沒見的、很掛念的、很喜歡的…就會來個擁抱，感覺很好、很開心、很難得…

（前）隊友—大佬（跳舞哥哥），做乜括住個「前」字？就係因為今晚搭車回家，下車途經商場時遇到佢才知道佢已經退隊了，很久沒有見面，真係有「久違了」的感覺，佢個樣子大致沒有改變，至少我一眼就認出佢，但髮型就變得很明顯，鬆鬆0地的微鬈中等長髮（過耳仔但不過頸），都幾型0架，傾0左幾句，知道佢依家轉0左做長工，好吖…恭喜晒，至少比以前較穩定—安全感嘛！