話說…星期三晚（2006/03/22）約0左佢（她），回家乘巴士時，佢同我講︰「我衰0左喇，我鍾意0左個男仔呀！」跟住佢就一路同我講個詳情。

我心諗，又會咁‘喬’的，我係咁，佢又係咁，難道依家潮流興玩「暗戀」？所以，那晚我的心情係感覺得了解佢的心情，我便由得佢講，一直講到要下車才被迫停止。

講返前少少，當晚，佢同我提過想離開香港流浪，時侯一到，就會無聲無色地在香港消失，我一聽到這個消息，心裏有點難過，「難過」或許是因為知道得有點突然，我從來沒有聽佢提起過佢有這個想法，佢話俾我知佢有這個想法已經有好幾年，為何妳依家才跟我說，如果不是有些事使妳的計劃推遲，那麼，我就算是報警找妳也不知道怎麼說才是，還好，講到底我仲係知道的，我很開心知道我在妳心中是甚麼位置的朋友，但同時妳使我覺得我作為妳的朋友做得不夠，無論如何，今次我係會支持妳，也會掛念妳的。