哈～我又來了。睇下幅相幾得意，有人食緊野果陣時俾人影相，影到塊面漲「book book」，好cute好得意呀！

　　我自問現在既我真係好幸福，有一個好正既女朋友，我諗我冇擇錯了。有時諗野諗都最後，好多時不免會諗到你，諗下你做緊乜,o係邊度呢,會掛住你，會擔心下你，驚你病，怕你有事，哈，神經過敏。其實原因好簡單，可能我真係做緊一個保護者既角色，我真係唔想我愛既人受到傷害，雖然我好明白亞藝你係一個比較堅強既女仔，根本好少時候要我擔心，但係我仍然依舊做好我男朋友既角色，當你傷心、受傷既時候，我會第一時間去呵護你。呢個角色，到依家為止我都做得好舒服，同你一齊真係好開心，好快樂，好溫馨。

　　就快半年啦，我唔係好刻意咁數住，都唔驚唔覺一齊左半年啦，話唔長，話唔短，繼續下一個半年，第二個半年，第三個，第四個，一直一直咁落去就好啦。

　　我好鍾意同你一齊架，見到你會好開心，拖住隻手真係感覺好奇妙，記得開始果陣時我真係好想拖住你隻手，但係初初唔敢，卒之有一次行行下我拎隻手出黎俾你，「嘿！」左一聲，你就會到意啦，我都唔係記得好清楚，大概係咁呱，哈，第一次拖手仔永遠都係咁回味無窮，果陣時果一刻真係觸到電咁樣，成個人麻痺晒，個心好舒服好舒服．．．嗯～到依家我都係咁鍾意拖住你隻手。

　　除左拖手仔，我仲好多野都好鍾意做，嗱，數俾你聽啦：拖住你，望住你，攬住你，抱住你，錫住你，啜住你，舐下你，吹下你，咬下你，擠下你，「mit」下你，摸下你，聞下你，索下你，呵下你，玩下你（大把野玩），夾下你，煩下你，「tum」下你，「high」下你，掂下你，初下你（尤其你塊面）．．．．．．好多好多，數天光都唔晒。

　　睇番以前ｄ日記真係好回味，好搞笑，又記得果句：「．．．微笑著輕歎問自己何時已把她放進如此無可拯救的深心處？這就是情難自禁，把自己放在理性與衝動之間吧．．．」冇錯，真係已經放左ｏ係深心處了，而且係好耐之前既事了。回想果時有時候會諗住你諗到我lor lor戀果陣，真係好得意，果時當然以Ａ－ｌｅｖｅｌ為重啦，差不多每晚都係我最後一個離開學校既，可以話係最後既守護者了，有時一個人溫書溫到好勊既時候，好多時都會諗起你，會諗下你做緊乜，食飯？溫書？唔駛問，你一定好勤力，哈，依家唔同了，你懶左啦。

　　以前眼見身邊有好多朋友都開始拍拖，搵自己既另一半，我自己就冇羨慕過，只係同自己下定決心，要搵一個岩自己就夠了，拍拖唔洗多，一次就夠了，我真係咁樣同自己講，所以我好小心咁擇，留意下身邊既女性朋友，但係ｏ係商會中學果陣真係冇個岩心水，哈，好似講到好大牌咁，其實我都係追求幸福姐，卒之唔讀商會去羅桂祥了，講真，能夠ｏ係商會繼續升讀會更好的，但係事與願違，不過塞翁失馬，焉知非福，ｏ係果邊我真係前所未有既讀得咁開心，而且俾我搵到一個好岩我既女朋友。真架，你好岩我架，所以唔洗怕自己唔夠好，你真係一件正野黎架，正如我都係咁樣同自己講：「我係一件正野黎架！」所以你都要學下我，咁樣同自己講啦。

　　你想知你點樣岩我法嗎？等我話你知啦。其實我地兩個ｏ係屋企都係最大果個，大哥，大家姐，我最欣賞既係你自己同自己承諾要盡力比最好既俾屋企人，呢一份責任心我好鍾意，點解？因為呢一份責任心發展到最後就係令你成為一個好女朋友、好妻子、好媽媽、（跟住係嫲嫲？哈哈。）做男人，尤其是係做大仔好應該有呢一份責任心，唔好睇我成日怨屋企人點樣對自己唔好，點樣對我冇情，其實我心底裡面都係好愛我既屋企人，我對屋企都有我自己既承諾，我要幫手供樓，供我細佬讀書，唔要佢地擔心我，搞掂自己既生活一切，呢ｄ都係一個男人應該做到既事呱，我依家未做住，但係我就係向住呢個目標前進，我屋企人真係俾人蛤左好耐了，我真係唔能夠再忍，我要俾好既生活俾佢地，唔洗再憂慮呢樣冇錢果樣冇錢．．．你明嗎？你有你既屋企人，我都有，大家都應該以屋企為重，做個負責任既大仔大女，一齊努力啦。

　　除左你既責任心，梗係仲有其他啦，不過講唔晒了。缺點？係人都有架啦，所以唔洗咁擔心，肯改就得了，至少我包容到，我ＥＱ太高了，要我唔開心真係好難好難，同你一齊就係開心，快樂，幸福，你就係冇乜大缺點，要我數出你既缺點真係幾難的，有人話情人眼裡出西施，愛一個人係盲目既，我唔信，我一直好清醒，因為我既信仰同埋真理會話我知，你真係好岩我，真係一個好好既女朋友呀，而我相信你亦都係一個乖乖女，好家姐，好妻子，好媽媽．．．我追求既伴侶就係咁樣啦，你明白嗎？我就係不斷地默默祝福，抱住無限既福份去同你一齊呀。

　　就係因為你太正啦，所以我先至咁愛你。Ｃｏｍｅ　ｏｎ　ｂａｂｙ！Ｂｅ　ｍｙ　ｗｏｍａｎ！