意想不到嗎？我仲會返黎呢度打野架。不過如果你咁好彩今日睇到呢篇野，你要頂得住至好呀。
　
　　ｏ係呢度我真係唔洗再掩掩藏藏，我要開門見山咁講，藝藝，我好愛你！
　　
　　睇番之前ｏ係呢度打過既一篇文章，睇番真係有幾分搞笑，幾分甜斯斯，回味番暗戀佢，成日ｏ係英文堂偷望人既日子，真係百般滋味在心頭，好記得果句「這就是情難自禁，把自己放在理性與衝動之間吧．．．」，想當時我擺Ｏ係心中果種情份到依家都係冇變架。

　　「你傻嫁？」，我好記得呢幾個字好多時都出現左O係我D中化書度啦,實用文果份練習度啦,中文notes啦......我地坐埋過一齊,你成日o係我d中文書度寫呢幾個字,點解淨係中文先有?因為我同佢讀真係天南地北,完全唔同,即使o係課室度坐埋一齊都係只有中文堂先可以同佢一齊坐,哈,每次我整你,你都係用呢句呢話我,一係就直接寫o係d書度。

果陣時,我唔敢咁快就去向你表示,只係我想小心d,我怕我會選錯,更怕會傷害到你,於是我去慢慢觀察,慢慢睇下你個人,到底係咪岩我,「岩我」既意思唔係以我為中心,而係你有冇優點俾我去學習,你既缺點我包唔包容得到,我自己就係要盡力咁去學你既優點,亦都用我既優點去幫你克服你既缺點,一對情侶拍拖就係要互相扶持,互相依賴,相信就係咁樣啦呱,而到最後卒之都一齊lu,依家當然冇問題啦,仲好好添。係嗎?

我仲記得我成日’蚊’走你拎黎扎頭髮果條辮,哈哈,一日可以整成幾十次,係幾無聊呢。

o係你身上,我真係學到好多野,其中兩樣自信同埋堅持真係幫左我好多好多,你讀書真係好勤力,我好後悔點解咁遲先發力,唉,算吧。到現在,無論遇到咩事,我都習慣左有一份信念同埋堅持去面對,都係你無意之中教識我架,所以中六七既時候我覺得自己變得更硬正,冇咁易俾人打低,而且學識包容,我自覺我比好多人都仲能夠包容,所以miss chung話我EQ高,其實都係由你果份堅忍既讀書態度啟發出黎,套用到待人方面,咪就係包容lor。所以都係你教我架。

過去總係有過去既甜蜜。

卒之最後,考完a-level一個後,我講左出口啦,果日係6月18號。考完a-level先開始係我一直既決定,相信都冇錯。哈,最近聽番你講,話你果時等左我成個月先等到我表示,哈哈,等左好耐,仲話我唔知點做野架喎......哈哈,又確係唔知點做野咁款。其實又點只等左一個月,等左差唔多兩年,不,19年,哈哈,癲的。

我好希望我既第一次初戀可以一直延續落去,變成一世既婚姻......我明白承諾係信唔過,但係我就係憑住信心去踏出每一步,去走我幸福既道路,我相信我可以做到我承諾過既事,不論係口講既定係默許既承諾,我相信應該要做既,我都可以做到。係真架,邊個話一次既戀愛唔能夠變成一世,變成永恆?

哈,白雪雪,滑嘟嘟,肥騰騰,啖啖肉,得意可愛,攬落錫住都係咁有feel!

每次攬完錫完都總係feel到有一陣香味留左係身上,就係唔捨得呢陣香味既時候,我都想留住呢陣香味,但係無論用咩方法,過左三四粒鐘又冇左...嘗試用記憶鉤番起呢陣香味,真係好難好難,但係,我就係想將呢份香味留o係腦海記憶之中......除左香,仲有好甜,呢份甜,我真係希望可以時時刻刻o係咀中品嚐,再慢慢流入口腔中細味,吸一口氣,透過消化,經過每一條血管,留入心窩裡頭,一點一滴咁留o係心裡頭......

亞藝,你明白我有幾愛你嗎?我係發乎心底裡既去愛你呀。

甜蜜既說話真係有好多好多,但係齋講又係咪有用呢?所以都係果句,努力!我唔要做只識講如何愛人而又唔去做既人!!!!!!我要努力面對我既生活!!!!!!我既工作!!!!!!