近這幾年，香港多了一班隨街討錢的人，可能因為經濟太差吧，他們會放下自己的尊嚴，到處問路人討錢。但其實在這班人中，有一些是真的忘記帶銀包、真的差一元坐車回家、真的等著你的一元半塊開飯。

前幾天等車回校的時候，一名智障的青年問：「你可唔可以俾廿蚊我？我坐錯車，無錢返去，我要回XX村呀。」。其實我一向都會給問我討錢的人俾五蚊，因為我認為他們肯為幾塊錢而放下僅有的尊嚴，可況我也不是等著這幾塊錢來開飯。

我打開錢包剛好只有五塊錢的零錢和一張一百蚊紙，我只好給他五塊錢，說：「我沒有零錢呀，只得五塊。」，誰知青年道：「你為什麼唔肯幫我呀，點解你唔肯俾廿蚊我呀！」，我說：「我唔係唔係肯你呀，但我真係只得五蚊零錢和一張一百蚊紙。」，青年說：「咁你去打散張一百蚊紙咪可以俾廿蚊我囉。」。就在這個時候，我開始火起來，我認為我俾錢你，無論是多少都己經幫咗你，有時候唔係你唔想幫，而係你幫唔到。我便語氣很重道：「我真係只得五蚊，你要就要，唔要俾返我。」。那青年便離開繼續他的討錢之旅。

其實如果我有廿蚊，我會給佢的，最大原因係他是一名智障人士，很多時候他們都會給人白眼，可況他還要問人討錢。