最近個個project都忙到七彩~皆因為政府既財政年度又到喇~所以錢都一次過掟哂出黎~結果個個兄弟都做到訓直~
我諗當中最恐怖o個位就係連續幾日冇訓去做野o個個啦~
諗返起以前為左份功課冇覺好訓既日子~依家呢d絕對小兒科啦~

不過發現真係成熟(老)左~同以前既我比起上黎~心靈上我真係更加大個左~唔係因為出左黎做野~而係際遇上既問題~
因為以前我會覺得出黎做野應該會好煩~除左做野仲要應付人際關係~未必可以做得開心~
但出左黎做野我反而覺得人際關係仲易handle過係學校o個時~
講既唔止同同事之間~亦都講緊同客相處~可能好多客都會好嚴肅咁~但其實只要花多d時間同佢地了解多左~多數都會好易相處~

以我既際遇黎講雖然唔會係最好~但我覺得比起我想像中好好多~
遇到既老細個個都好錫住我~
同事之間可能多數都係差唔多年紀~所以好快就可以好熟~
而客o個方面呢~哈哈~~絕對正啦~
第一個project冇左既時候~當初我地搶左佢生意既o個間公司都擔心我會冇左份工~同人講叫我係就過檔幫佢地手~
做學校呢~就遇哂有我d朋友仔係度做既學校~有事都易攪掂ma~
做律政司果時呢~幾個同事一齊做埋人地既戀愛顧問~成班一齊去玩~簡直開心過小學生去旅行~

雖然成日OT~但成班人一齊OT有傾有講咁做野~點都會開心好多啦~ =^_^=

順便提提~我出左GD88喇~有MMS就即管掟過黎啦~ =p